بلوچ ءَ  وتی دریا ءُ مڈی وت پھریزگی اَنت ءُ ایشی راہ  راجی گھگیری اِنت۔  ڈاکٹر ماہ رنگ

بلوچ یکجھتی کمیٹی ءِ سروک ڈاکٹر ماہ رنگ شمبے ءِ روچ ءَ شال پریس کلب ءَ گوادر ٹٹ ءِ باروا  برجاھیں دیوان ءَ تران کرتگ ءُ گوشتگ کہ  بلوچستان ءَ بلوچ ءَ ابید دگہ ھچ وڑیں پجار نیست۔ بلوچستان چہ درساں پدمنتگیں ڈیھے، اگاں ھساب کنگ بہ بیت گڑا پاکستان ءِ بیست  دمگانی تہ ءَ پدمنتگیں ھژدہ دمگ بلوچستان ءَ بنت۔

آئی ءَ گوشتگ کہ مشکے یک انچیں لشکرے ءِ دست ءَ دیگ بوتگ کہ آ مردماں مزدوری پرمائیت، سھب ءَ درسیں مردماں وتی بنجل ءَ لوٹائین ایت ءُ سرجمیں روچ ءَ کار گیت ءُ شپ ءَ آیاں یل کنت۔ مرچی بلوچستان ءِ ھمک پھنات لشکر ءِ دست ءَ اِنت، مشکے ءَ یک ٹریپک پولیس ءِ اگدھے لشکر ءِ کرنلے ءَ گوں اِنت، شمارا مشکے یا آواران ءَ روگ ءُ ویزا گرگ ءُ ٹپہ جنگ لوٹ ایت۔

ڈاکٹر  ماہ رنگ ءَ گوشتگ  کہ وتگڑیں سیاسی پارٹی بلوچستان ءِ سودا ءَ جنگ ءَ اَنت، وتگڑیں شوربندیانی اوگام جنوکاں بلوچستان گوں لشکری بنجلے ءَ مٹ کرتگ۔  بلوچستان ءِ دریا ءُ مدیانی اولی ھک بلوچ ءِ اِنت، بلوچ ءَ  وتی دریا ءُ مڈی وت پھریزگی اَنت ءُ ایشی راہ بلوچ راجی گھگیری اِنت۔

آئی گوشتگ کہ بلوچستان سرجم ءَ جنگ آماچین دمگے اد ءَ ریاست وتی زور ءُ مڈیاں کارمرز کنگ ءُ بلوچ چکچینی کنگ ءَ اِنت۔ اے چکچینی ءَ دودمانی ءُ سیاسی چکچینی ھوار اَنت۔ اے چکچینی ءَ بلوچ راج ءِ پجار، دودمان ھچی پھریز نہ اِنت، گوادر ءِ ٹٹ چکچینی شونداتے۔

شونکار

شونکار

Next Post

مشکے ءَ پاکستانی لشکر ءَ ورنایے آوار جتگ ءُ بیگواہ کرتگ

اتوار مئی 19 , 2024
آواران: مشکے ءَ  زورگریں پاکستانی لشکر ءَ بیڑ برتگ ءُ ورنایے  آوار جنگ ءَ پدبیگواہ کرتگ۔ اھوالکار ءِ رد ءَ زور بیگواھیں ورنا ءِ نام زمیر ء زلپکار اِنت مشکے  کلر ءِ جاہ منند اِنت۔ زورگریں پاکستانی لشکر ءَ 7 پروری 2024 ءَ گس ءَ بیڑ برتگ ءُ آوار جتگ […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس