بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ
بی ایل اے ءِ سرمچاراں تمپ، کلات ءُ کولواہ ءَ پنچ جتائیں ارشاں زورگریں پاکستانی لشکر ءُ رھوتی ٹاور نشانگ کرتگ اَنت، ارشاں دو دژمنیں کارمند مرتگ ءُ رھوتی ٹاور تباہ بوتگ۔
آئی ءَ گوشتگ کہ گوستگیں شپ ءَ تمپ ءَ گریڈ اسٹیشن ءَ برجاھیں زورگریں پاکستانی لشکرءِ بنجل بی ایل اے ءِ سرمچاراں گوں ارش ءَ نشانگ کرتگ۔ سرمچاراں دژمنیں لشکر ءِ سر ءَ گرنیڈ لانچر ءِ باز گولا آس داتگ، ایشی آسر ءَ دو کارمند جاھی مرتگ ءُ کم چہ کم سے کامند ٹپی بوتگ۔
جارکش ءَ گوشتگ کہ سرمچارانی دگہ یک ٹولی یے ءَ گریڈ اسٹیشن ءِ نزیک ءَ چیریں ادارھانی کارگس ءِ مزنیں دروازگ ءِ دپ ءَ پھازداریں کارمندانی سر ءَ گرنیڈ لانچر ءِ باز گولا آس داتگ چہ ایشی ءَ دژمن ءَ جانی ءُ مالی تاوان بوتگ۔
آئی ءَ گوشتگ کہ ھمے وڑ ءَ بی ایل اے ءِ سرمچاراں دگہ یک ارشے ءَ تمپ ایکسچینج ءَ برجاھیں زورگریں پاکستانی لشکر ءِ پانگس ارش ءَ نشانگ کرتگ چہ ایشی ءَ کم چہ کم یک دژمنیں کارمندے ٹپی بوتگ۔
جارکش ءَ گوشتگ کہ بی ایل اے ءِ سرمچاراں دوشی دگہ یک کاروائی یے ءَ کلات ءِ ھند منگوچر ءَ زورگریں پاکستانی لشکر ءِ مزنیں بنجل ( تھسیل ) ءِ مزنیں دروازگ ءِ دپ ءَ پھازداریں دژمنیں کارمند گوں دستی بمب ارش ءَ نشانگ کرتگ اَنت۔ تراکءِ آسر ءَ سے دژمنیں کارمند ٹپی بوتگ۔
آئی ءَ گوشتگ کہ دگہ یک کاروائی یے ءَ بی ایل اے ءِسرمچاراں کولواہ رودکان ءَ یوپون شرکت ءِ راھوتی ٹاور ءِ مشین ءُ سامان مانداشتگ ءُ تباہ کرتگ اَنت۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ پاکستانی لشکر ءِ چہ بلوچستان ءَ سرجم ءَ درآھگ ءَ مئے ارش برجاہ بنت۔
