آواران: چہ مشکے ءَ ماھے پیش پاکستانی لشکر ءِ دست ءَ زور بیگواھیں سجاد آجو بوتگ۔
اھوالکار ءِ رد ءَ سجاد ء آزم گپور آباد تنک ءِ جاہ منند اِنت کہ زورگریں پاکستانی لشکر ءَ دو اپریل 2024 ءَ گوں ولی جان ء نزیر ءِ ھمراھی ءَ گَجر ءِ بنجل ءَ لوٹائینتگ ءُ بیگواہ کرتگ اَنت۔
زور بیگواھیں سجاد ماھے ءَ گیش ءِ زوریں بیگواھی ءَ پد پیری آجو بوتگ ءُ وتی گس ءَ سر اِنت، بلے ولی جان انگت بیگواہ اِنت۔
یات بہ بہ اِت کہ ایشانی زوریں بیگواھی ءِ بگیری ءَ کھول ءِ نیمگ ءَ زھرشانی روانکے کشگ بوتگ اَت۔ روانک کشگ ءِ میار ءَ پاکستانی لشکر سرجمیں تنک ءِ مردماں وتی بنجل ءَ لوٹائینگ ءُ کار گرگ ءِ ھواری ءَ وتی لشکری تر ءُ گرداں ھم گوں وت بارت۔
