گوادر: بلوچ یکجھتی کمیٹی ءِ سروک سبگت اللہ شاہ جی ءَ ماں چاگردی رسانکدر ایکس ءَ نبشتگ کہ گوادر ءَ مئے ءُ بی وائی سی ءِ آدگہ باسکانی رندگیری ءَ کنگ ءَ اَنت۔ھمبل کج ءَ کہ رو اَنت گڑا پرپٹ ءُ گاڑیاں سواریں شکی ئیں مردم آیانی رند ءَ رو اَنت۔ مرچی گوادر ءَ پہ پریس کانپریس نہ کنگ ءَ مدام کلوہ کنگ بوتگ اَتءُ پہ پریس کانپریس ءِ دارگ ءَ جتائیں زور چکاسگ بوتگ اَنت بلے چہ ایشاں اَبید گوادر پریس کلب ءُ اھوالکاراں اھوالکاری ءِ پرز پیلو کرتگ ءُ شریں وڑے ءَ کمک کرتگ آیانی منتواراں۔
آئی گوشتگ کہ راجمستری ءِبنیاد ءَ پرایمنیں جھد کنگ مئے بنیادی ھک اِنت، اگاں ریاست ءَ روانک ءَ اڑاند ودی کنگ ءِ جھد کرت ءُ مئے باسکان ءَ چونیں ھم تاوان دات ایشی زمہ وار چیریں ادارہ ءُ کانود ءِ پھازداریں ادارہ بنت۔ ادارہ اے گپ ءَ نہ زان اَنت کہ چہ بیھاراں بے توار نہ بہ ایں۔ چہ ادارھانی رویشتاں گندگ بیت کہ ریاست پہ ٹٹ ءِ سرجم کنگ ءَ ھرچی کرت کنت، بلے اے گپ ءَ بہ زانت کہ بلوچ سیاسی باسک اے ٹٹ ءِ شوربندی ءِ دارگ ءَ ھمک سیاسی ءُ کانودی راھبند ءَ کارمرز کن اَنت۔
سبگت اللہ شاہ جی ءَ گوشتگ کہ من گڈی ءَ گوش آں ءُ مدام گوشگ ءَ آں اتھاد، اتھاد، اتھاد۔ بلوچ ءِ اتھاد آئی ءَچہ ھمک دژمن ءَ پھریز ایت ءُ ھمک پڑا سوبین کنت۔
