نیدرلینڈ: چیپٹر ءِ مُدت آسر بیتگ، پنچ باسکی پترے جوڑ کنگ بیتگ کہ داں سَے ماہ ءِ میان ءَ چہ بنزھاں پہ چپٹر ءَ باسکاں گچین کنت ءُ نوکیں اُگدھدار گچین کنگ بنت۔
بی این ایم ءِ کارگشاد دلمراد ءَ وتی جارے ءَ گْوشتگ کہ بلوچ راجی زْرمبشت ڈائسپورا ءَ نیدرلینڈ یک گچینی چپٹرے بیتگ کہ آئی ماں یورپ ءَ گل ءِ پُرکار کنگ ءَ باز جُھد کُرتگ ءُ وتی کِرد جوانیں رنگے ءَ پیلو کُرتگ۔
آئی ءَ گْوشتگ کہ انیگیں چپٹر ءَ ناکو ابدُلواھد ءِ سروکی ءَ وتی مُدت آسر کُرتگ ءُ اے میان ءَ جتائیں کارکِردانی پارست ءُ گوں جوانی ءَ راجی جُھد ءُ گل ءِ کار دیم ءَ بُرتگ اَنت۔
پہ پنچ باسکی پتر ءَ مھیم سرکماش،کیا بلوچ کمک سرکماش، بھار،کھور ءُ اسلام مراد پتر ءِ باسک گچین کنگ بیتگ۔
