بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں چار شمبے ءِ روچ ءِ یازدہ ءِ نزیک ءَ تمپ ءِ جھمنند مراد ء اسگر نشانگ کُرتگ ءُ کُشتگ۔
آئی ءَ گوشتگ کہ کیچ ءِ ھند تمپ ءَ ریاست ءِ چاریگ ءُ کشندہ ٹولی ءِ کارمند کُشگ بیتگ۔
جارکش ءَ گوشتگ کہ ایشی ءَ وتی سلاہ چگل داتگ ءُ ریاست ءِ چریک جوڑ بیتگ، پہ پاکستانی لشکر ءَ نہ ایوک ءَ کمکاری ءِ کار کرتگ بلکیں گوں لشکر ءَ لشکرکشی ءُ زوراکی،گسانی بیڑ برگاں ھوار بلوچ بچانی زور بیگواہ کنگ ءَ گون بیتگ۔
میجر گھرام ءَ گوشتگ کہ گوں ریاست ءِ کشندہ ٹولی ءَ ھوار بیتگ ءُ چاگردی سلکاری ءُ دُزیاں ھوار منشیات ءِ باپاری ءَ بندوک بیتگ۔چوشیں مردم کہ بلوچ راجی جُھد ءَ تاوان دیگ ءَ اَنت، سرمچارانی نشانگ ءِ تہ ءَ اَنت۔ چہ راج ءَ دزبندی کن ایں کہ چہ ریاست ءِ کشندہ ٹولی ءُ چاریگاں گستا بہ بنت۔ سرمچار کجام وھد ءُ ھر کج ءَ ایشاں نشانگ کن اَنت۔
