بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی دکی ءَ بلوچ ءِ مڈیانی لٹ ءُ پل کنوکیں گاڑی، پاکستانی لشکر ءُ کشندہ ٹولی گوں بمب ءَ نشانگ کرتگ اَنت۔
آئی ءَ گوشتگ کہ سرمچاراں دکی ءَ ٹیکدار کور ءَ بلوچستان ءِ مڈیانی لٹ ءُ پل ءَ ھواریں گاڑی یے گوں چیرکرتگیں شورھاں نشانگ کرتگ، تراک ءِ آسر ءَ گاڑی سکا تاوان بوتگ۔
جارکش ءَ گوشتگ کہ تراک ءِ جاہ ءَ دو گاڑیانی سر ءَ سر بوتگیں پاکستان ءِ جھلی لشکر سی ٹی ڈی ءُ وتگڑیں کشندہ ٹولی ءِ کارمند گوں دومی تراک ءَ نشانگ کنگ بوتگ اَنت۔ ایشی آسر ءَ یک سی ٹی ڈی ءِ کارمندےجاھی مرتگ ءُدو ٹپی بوتگ، کشندہ ٹولی ءِ کارمنداں ھم جانی تاوان بوتگ۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ بی ایل اے ءَ سی اپریل ءَ وتی درشان ءَ تچک کرتگ کہ دژمن ءِ زرگپت ءُ ھندی کمکار اگاں بلوچ سرمچار ءُ بلوچ راجی نپانی بگیری ءَ دژمن ءِ لڑا ھوار بوت اَنت آیانی سر ءَ ترندیں ارش کنگ بیت۔
