کیچ: 18 اپریل 2024 ءَ چہ جوسک ءَ پاکستانی لشکر ءِ دست ءَ زور بیگواہ کنگ بوتگیں ازیر ءُ شاہ نواز ءِ کھول ءَ آیانی یل نہ کنگ ءِ بگیری ءَ ڈی بلوچ ءَ زھرشانی کنگ ءِ جار جتگ۔
زوربیگواھیں ازیر ءِ جنک رزینہ ازیر ءَ وتی شنگ کرتگیں تامربندے ءَ گوشتگ کہ 18 اپریل ءَ شپ ءِ دو ءَ پاکستانی لشکر ءُ چیریں ادارھانی کارمنداں مئے گس ءَ بیڑ برتگ ءُ جنین کمشرپ کرتگ اَنت۔ منی پت آوار جتگ ءُ برتگ اش آیاں گوشتگ کہ دو جست کنان ءُ کاران ئے، مرچی آئی بیگواھی ءَ سے روچ اِنت برے یک گپے جنگ ءَ اَنت۔
آئی ءَ گوں بلوچ ءَ راج ءَ دزبندی کرتگ ءُ گوشتگ کہ ما زھرشانی ءَ ڈی بلوچ ءَ بند کنگ ءَ ایں بیا اِت ءُ مئے گون ءَ ھمراھداری بہ کن اِت۔ اھوالکار ءِ ردءَ ڈی بلوچ ءَ زھرشانی ءَ گوں ازیرءِ کھول ءَ زور بیگواھیں شاہ نواز ءِ کھول ھم گون اِنت۔
