نوشکے: سی ٹی ڈی ءَ گوستگیں روچاں نوشکے ءَ بلوچ آجوئی لشکر ( بی ایل اے ) ءِ اُرش ءَ ھواریں سرمچارانی پجارگ ءُ چار شکی ئیں مردمانی دزگیر کنگ ءِ ٹاپار جتگ۔
سی ٹی ڈی ءِ گوشگ اِنت کہ لھتیں روچ پیش نوشکے ءَ نو مردمانی پجارگ ءَ پد کشوکیں سرمچار پجارگ بوتگ اَنت۔ چار مردم شک ءِ بنیاد ءَ دزگیر کنگ بوتگ اَنت کہ آیانی جست ءُ پرس برجاہ اِنت۔
پولیس ءِ گوشگ اِنت کہ نوشکے ءَ 12 مردمانی نشانگ کنگ ءُ کشگ ءَ ھواریں مردم انگت ءَ دزگیر نہ بوتگ اَنت۔ پولیس، سی ٹی ڈی ءُ آدگہ لشکری ادارہ اے جیڑہ ءِ بارو ءَ پٹ ءُ پول کنگ ءَ اَنت۔
یات بہ بہ اِت کہ اے اُرش ءِ زمہ واری بی ایل اے ءِ جارکش جیھند ءَ منّ اتگ ءُ گوشتگ کہ اھوتی ھیالے ءِ بنیاد ءَ آپریشن کرتگ ءُ پاکستانی چیریں ادارھانی نو کارمند کشتگ اَنت، ھمے میان ءَ سرمچاراں ریلوے ٹریک گوں تراکناکیں شورھاں تباہ کنگ ءِ ھواری ءَ پاکستانی لشکر ءِ سلاھانی ڈپو ھم نشانگ کرتگ۔
