نوشکے: گوستگیں روچاں 12 اپریل ءَ بی ایل اے ءِ سرمچاراں نوشکے شھر ءِ نزیک ءَ شھدگ ءِ بندگ ءُ چیریں ادارھانی نو کارمندانی کشگ، ریلوے ٹریک ءِ تباہ کنگ ءُ نزیکیں بنجل ءِ سر ءَ اُرش کرتگ اَت۔ اے اُرشانی بگیری ءَ بی ایل اے ءِ سروک بشیر زیب ءَ ھوار ھژدہ مردمانی بگیری ءَ ایپ آئی آر کنگ بوتگ۔
بنشون ءِ رد ءَ نوشکے شھر ءِ ایس ایچ او اسداللہ ءِ نیمگ ءَ ارزی نبیسگ بوتگ، ارزی ءَ کشت ءُ کوش ءُ ناشرکاری ءَ ھوار دگہ کیس ھوار اَنت۔ اے ویل ءِ پٹ ءُ پول برجاہ اِنت۔
ایپ آئی آر ءَ بلوچ آجوئی لشکر ( بی ایل اے ) ءِ سروک بشیر زیب ءَ ھوار سلال ء کدیر اھمد جاہ منند شریپ ھان، اتیک الرھمان ء ھاجی اَبدالمجید ساسولی جاہ منند کلی مینگل، شاہ نواز ء مھمد یوسپ جاہ منند کلی شریپ ھان، اشپاک اھمد ء بشیر اھمد جاہ منند بروری دگ شال، زوھیب پنام شوکت ء داد مھمد جاہ منند کلی جمالدینی نوشکے، ایسا نادان ء ھاجی سلتان مھمد جاہ منند کلی جمالدینی نوشکے، زاھد پنام مھراب ء اسلم مینگل جاہ منند کلی مینگل، کدرت اللہ ء نجیب اللہ جمالدینی جاہ منند کلی جمالدینی، میرین ء اپزل ھان مینگل جاہ منند کلی مینگل نوشکے، منیر اھمد ء ھاجی آزاد ھان مینگل جاہ منند کیشنگی نوشکے، اکبال ء آزاد ھان مینگل جاہ منند کیشنگی نوشکے، ( بی ایل اے ) ءِ سروک بشیر زیب ء ابداللہ مھمد ھسنی جاہ منند اھمد وال نوشکے، رھمان گل ء اپزل ھان مینگل جاہ منند کلی مینگل نوشکے، مشتاک ء بشیر اھمد جاہ منند کادر آباد نوشکے، سھیل ء مھمد یونس جاہ منند جمالدینی نوشکے، ھبیب اللہ پنام پلین ء زاھر ھان جاہ منند جمالدینی، رزا الی ء مھبوب الی جمالدینی جاہ منند کلی بٹو نوشکے ءُ آدگہ لھتیں مردمانی نام زانگ نہ بوتگ اَنت۔
یات بہ بہ اِت کہ اے اُرش ءِ زمہ واری بی ایل اے ءِ جارکش جیھند ءَ منّ اتگ ءُ گوشتگ کہ اھوتی ھیالے ءِ بنیاد ءَ آپریشن کرتگ ءُ پاکستانی چیریں ادارھانی کارمند کشتگ اَنت، ھمے میان ءَ سرمچاراں ریلوے ٹریک گوں تراکناکیں شورھاں تباہ کنگ ءِ ھواری ءَ پاکستانی لشکر ءِ سلاھانی ڈپو ھم نشانگ کرتگ۔
