کیچ: بلوچ راجی لشکر (بی ایل اے) مجید برگیڈ ءِ تربت نیول ائیر بیس پی این ایس سدیک ءَ پدائی اُرش ءَ شھید بوتگیں پدائیانی لاش گلزمین ءِ میار کنگ بوتگ اَنت۔
اھوالکار ءِ رد ءَ شھید ایوب ازیم پنام دودا، وجداد پنام نودان ءُ ھاسل مراد پنام پرھاد مرچی سھب ءَ کور پشت بلیدہ ءَ گلزمین ءِ میار کنگ بوتگ اَنت۔ پہ شھیدانی لاشانی وش آتکگ ءَ مردماں بازیں کچے ءَ بھر زرتگ۔
شھیدانی لاش جنازہ ءِ نماز ءِ وانگ ءَ پد گلزمین ءِ میار کنگ بوتگ اَنت، مردماں شھیدانی مانشانی سر ءَ پل شانتگ ءُ ستک شانی ندر کرتگ۔
بنشون ءِ رد ءَ شھید پدائی ھلیپ پنام اسلم ءِ لاش چہ آواران ءَ گوستگ ءُ دیم ءَ جاؤ ءَ برگ بوتگ کہ مردم بازیں کچے ءَ پہ آئی لاش ءِ وش آتک ءَ آتکگ اَنت۔ شھید ھلیپ پنام اسلم ءِ لاش مرچی بیگاہ ءَ گلزمین ءِ میار کنگ بیت۔
