بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں تمپ، زامران ءُ مستونگ ءَ سے جتائیں ارشاں زورگریں پاکستانی لشکر ارشاں نشانگ کرتگ، ارشاں چار دژمنیں کارمند مرتگ ءُ پنچ ٹپی بوتگ۔
آئی ءَ گوشتگ کہ بی ایل اے ءِ سرمچاراں زی کیچ ءِ ھند تمپ ءَ زوراکی کنوکیں زورگریں پاکستانی لشکر ءِ کارمند کوھاڑ ءِ گزن کوہ ءَ ھما وھدءَ نشانگ کرتگ اَنت کہ آ ھند ءَ دیم ءَ جنزگ ءِ جھد ءَ بوتگ اَنت۔
جارکش ءَ گوشتگ کہ سرمچاراں سنگر گپتگ ءُ زورگریں پاکستانی لشکرءِ سر ءَ گوں وتکاریں سلاھاں ارش کرتگ، ارش ءِ آسر ءَ سے دژمنیں کارمند جاھی مرتگ۔
آئی ءَ گوشتگ کہ بی ایل اے ءِ سرمچاراں دگہ یک کاروائی یے ءَ دوشی مستونگ ءَ زورگریں پاکستانی لشکر ءِ بنجاھی بنجل ءِ پھازداریں پانگس گوں دستی بمب ءَ نشانگ کرتگ، تراک ءِ آسر ءَ کم چہ کم سے دژمنیں کارمند ٹپی بوتگ۔
جارکش ءَ گوشتگ کہ بی ایل اے ءِ سرمچاراں 17 مارچ ءِ شپ ءَ زامران ءِ کوہ تان ءَ برجاھیں زورگریں پاکستانی لشکر ءِ پانگس ءِ سر ءَ گرنیڈ لانچر ءِ باز گولا آس داتگ ءُ وتکاریں سلاھانی گون ءَ نشانگ کرتگ، ایشی ءِ آسر ءَ یک دژمنیں کارمندے جاھی مرتگ ءُ کم چہ کم دو ٹپی بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ داں مول ءَ سوبین بوگ ءَمئے ارش برجاہ بنت۔
