تُربت: مولانا ابدُالھک بلوچ ءِ چاردھمی سالروچ ءِ درگت ءَ یاتگاری مراگشے برجم دارگ بوتگ۔ مراگش ءَ جتائیں بھرگاں سیادی داروکیں مردماں بھر زرتگ۔
مولانا ابدُالھک ءِ سالروچ ءِ یاتگاری مراگش ءَ مولانا ابداُلھک ءِ براس پروپیسر مولانا سلااُلدین ءَ تران کرتگ ءُ گوشتگ کہ مولانا ابدُالھک ءِ وڑیں مزنیں مردمانی یات گوم ءَ بندوک بنت۔ منی وش بھتی اِنت کہ منی براس بوتگ مئے راھدربری کرتگ۔ آئی ءِسارتیں سیاھگ ءَ ما زند گوازینگ دربرتگ۔
آئی ءَ گوشتگ کہ انگریزانی ھندوستان ءَ آیگ ءَ پد بازیں پگر ودی بوتگ اَنت لھتیں آلم گوں انگریزاں ھوار بوتگ ءُ کار ءَ بوتگ اَنت بلے یک بھرگے ءَ انگریزانی بگیری کرتگ ءُ سیمی بھر ءَ سوڑگ کرتگ کہ انگریزانی ھرچی کہ شری اَنت آ منّگ بہ بنت۔ ءُ وتی دینی پگر ءُ ھوار بوگ ءُکار کنگ بہ بنت۔ مئے ھند ءِآلم آں کانگریس ءُ مسلم لیگ ءِ سیاست دیمروئی داتگ ءُ مئے کانگرس زینب گالب بوتگ اے بھرگ ءَ روس دوستی بوگ ءِ بھتام ھم جنگ بوتگ۔
آئی ءَ گوشتگ کہ مولانا ابدُالھک اے زمانگ ءَ بلوچ نیشنل ازم ءِ بھر بوتگ۔
