کیچ: بلوچی زبان ءِ نامداریں شائر منزور بسمل ءِ شائری ءِ نوکتریں کتاب آمرزیگ زوت شنگ بوگ ءَ اِنت۔
اھوالکار ءِ ردءَ منزور بسمل ءِ کتاب آمرزیگ چہ بلوچستان اکیڈمی تربت ءِ نیمگ ءَ شنگ کنگ بیت۔ منزور بسمل ءِ ھپت کتاب پیسر ءَ شنگ بوتگ کہ آیانی تہ ءَ آپ رنگ، ھشکیں کانیگ، ساچ، سانجاور، دیدبامیں برمش ءُ پیزال ءَ چے سما اِنت ھوار اَنت۔ آمرزیگ آئی ھشتمی کتاب اِنت۔
منزور بسمل ءِ ھپت شائری کتابی شنگ بوگ ءَ اَبید آئی بازیں شئیر بلوچستان ءِ نامدرایں گشندھاں ھم گوشتگ اَنت۔
