جینوا: اکوام متھدہ ءِ نیمگ ءَ مردمانی ھکانی کونسل ءِ پنجاہ ءُ پنچمی نیاد ءَ بلوچ راجی زرمبشت ( بی این ایم ) ءِ نیمگ ءَ یک سرپدی تکشامے برجاہ اِنت۔ اے تکشام ءِ دومی روچ ءَ بروکن چیئر ءَ زھرشانی کنگ بوتگ۔
بی این ایم ءِ نیمگ ءَ اے برجاھیں زھرشانی ءَ بی این ایم ءِ بنجاھی سرکماش ڈاکٹر نسیم، بی این ایم ءِ کستریں کمک سرکماش ھسن دوست، بنجاھی پتر ءِ باسکاں ھوار جتائیں تکانی باسک ھوار اَنت۔
بروکن چیئر ءَ زھرشانی ءَ بی این ایم ءِ باسکاں پاکستان ءِ زوراکیانی بگیری ءَ اوگام جتگ ءُ بی این ایم ءِ بنجاھی سرکماش ڈاکٹر نسیم ءَ ھوار بنجاھی پتر ءِ باسک ءُ آدگہ تکانی باسکان تران کرتگ ءُ وتی ھیال درشاں کرتگ اَنت۔
سے شمبے ءِ روچ ءَ جینوا ءَ بی این ایم ءِ تکشام ءِ دومی روچ بوتگ ءُ اے تکشام داں باند ا انگت ءَ برجاہ بیت۔ بی این ایم ءِ اے زھرشانی ءِ مول بلوچستان ءِ سر ءَ پاکستان ءِ زوریں دستیگ کنگ ءُ پاکستانی لشکر ءِ زوراکیانی باروءَ جھان ءِ آدگہ ڈیھانی سروک ءُ مردم دوستیں ادارھان ءَ سرپد کنگ اِنت۔
