تونسہ شریپ /شال: زورگریں پاکستانی لشکر ءَ ورنا مردم آوار جتگ ءُ بیگواہ کرتگ۔
اھوالکار ءِ رد ءَ زی تونسہ شریپ ءَ پاکستانی لشکر ءُ چیریں ادارھانی کارمنداں گسے ءَ بیڑ بُرتگ ءُ بولان میڈیکل زانشتجاہ ءِ نودربر شھیب بزدار ء ھان مھمد آوار جتگ ءُ بیگواہ کرتگ۔ شھیب بزدار ءِ بیگواھی ءِ گپ آئی سنگتان راست کرتگ۔
ھمے وڑ ءَ شال کلی گورا آباد ءَ زورگریں پاکستانی لشکر ءَ ورنایے آوار جتگ ءُ بیگواہ کرتگ۔
بیگواہ کنگ بوتگیں مردم ءِ نام اکتر ء شمس اللہ اِنت کہ پاکستانی لشکر ءُ چیریں ادارھانی کارمنداں دو پروری ءَ آوار جتگ ءُ بیگواہ کرتگ کہ انگت آئی ھچ ھال نیست۔
