ایمسٹرڈیم: پری بلوچستان موومنٹ ( ایپ بی ایم ) نیدرلینڈز تک ءَ 27 مارچ 1948 ءَ بلوچستان ءِ سر ءَ زوریں دستیگ کنگ ءِ جھان ءِ دیم ءَ پیش دارگ ءَ نیدرلینڈ ءِ ھند ڈام اسکوائر ءَ زھرشانی کنگ ءِ جار جتگ ءُ گوشتگ کہ بلوچ راج ھمک سال ءَ 27 مارچ ءَ زورگپتی ءِ روچ دار ایت ءُ میان استمان ءَ زور دنت کہ آ بلوچ راجی جھد ءَ آیانی پلہ مرزی ءَ بہ کنت۔
آئی ءَ گوشتگ کہ 27 مارچ بزاں بلوچستان ءِسر ءَ پاکستان ءِزورگپتی ءِ روچ ءِ درگت ءَ ایپ بی ایم نیدرلینڈ تک ءِ نیمگ ءَ 27 مارچ ءِ روچ ءَ دوازدہ ءُ نیم ءَ داں دو ءُ نیم ءَ زھرشانی کنگ بیت۔
آئی ءَ گوشتگ کہ پری بلوچستان موومنٹ نیدر لینڈ تک گوں نیدرلینڈ ءِ جھمنندیں درسیں بلوچان لوٹ کنت کہ آ اے زھرشانی ءَ بھر بزور اَنت ءُ جھان ءِ ھمے دلجمی دیگ ءَ سوبین بہ بنت کہ بلوچ سرڈگار ناشرکاریں پاکستان ءَ دستیگ کرتگ ءُ ایشی بگیری ءَگوستگیں 76 سال اِنت کہ بیوکیں گھگیری ءَ بلوچ ءَ ھزارانی کچ ءَ جانانی دیمونی داتگ ءُ اے درچ انگت برجاہ اِنت داں بلوچ سرڈگار ءِ آجوئی ءَ برجاہ بیت۔
آئی ءَ گوشتگ کہ بلوچستان ءَ پاکستان ءُ ایران ءِ زوراکیانی ھلاسی ءُ پہ آجوئی ءِ جھد ءِ توار ءَ داں جھان ءَ سرکنگ ءَ درسیں بلوچان ءَ اےزھرشانی ءَ بھر زورگ لوٹ ایت۔
