بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کولواہ مراستان شاہ باتل ءِ نزیک ءَ پاکستانی لشکر ءِ کاروان ءِ سر ءَ اُرش کُرتگ ءُ دو کارمند کُشتگ۔
آئی ءَ گوشتگ کہ سرمچاراں 5 مارچ ءَ سَے شمبے ءِ روچ ءَ پاکستانی لشکر ءِ کاروان ءِ سر ءَ ھما وھد ءَ اُرش کُرتگ وھدے کاروان دہ گاڑیانی راھی ءَ چہ بلور ءَ واتر شاہ باتل ءَ آھگ ءَ بوتگ۔سرمچاراں گوں کارشونی ءَ کاروان ءِ پُشت ءِ گاڑی گوں ٹوھین ءُ وتکاریں سلاھاں نشانگ کُرتگ کہ چہ ایشی ءَ دو کارمند مُرتگ۔
جارکش ءَ گوشتگ بلوچستان یک جنگجاھے کہ پاکستانی لشکر گوں وتی درسیں ابزارانی کارمرد کنگ ءَ ابید بے سوب اِنت ءُ بلوچ سرمچارانی زمین دوستی ءُ راجی کِرد ءَ مردمانی دل شات کُرتگ کہ چہ ایشی ءَ مردم بازیں کچے ءَ سرمچارانی پلہ مرز اَنت۔پمشکا ریاست گوں وتی درسیں زور ءِ کارمرد کنگ ءَ ابید بلوچ سرڈگار ءِ سر ءَ بے سوب ءُ بے مراد اِنت۔
بی ایل ایپ ءِ جارکش میجر گھرام ءَ ارش ءِ زمہ واری من اتگ ءُ گوشتگ کہ ھمے کول ءَ کن ایں کہ گوں راج ءِ پلہ مرزی ءَ چہ بلوچ سرڈگار ءَ پاکستان ءِ وڑیں زوراکیں ریاستے ءَ رکین ایں۔
