ھزدار: چہ کراچی ءَ زور بیگواھیں ورنا مھمد ء مھمودءِ کھول ءَ گوں مردمی ھکانی گلاں توار چست کنگءِ لوٹ کرتگ۔
آئی ءَ گوشتگ کہ مھمد ءِ مھمود ءَ چہ کراچی ءَ رینجر ءُ پولیس ( سی ٹی ڈی ) ءِ کارمنداں16 جون 2023 ءَ آوار جتگ ءُ بیگواہ کرتگ کہ انگت ءَ بیگواہ اِنت۔
کھو ل ءَگوں سرکار ءَ لوٹ کرتگ ءُ گوشتگ کہ مھمد ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔
آئی ءَ گوں وی بی ایم پی، بلوچ یکجھتی کمیٹی، سول سوسائٹی ءَ ھوار مردمی ھکانی ادرہءُ اھوالکاراں لوٹ کرتگ کہ پہ مھمد ءِ آجوئی ءَ توار چست بہ کن اَنت۔
