گوادر: گوستگیں روچاں ترندیں ھورانی سوب ءَ ھار ءَ مردمانی گس مل اِتگ اَنت، سرکار ءِ نیمگ ءَ کمک نہ کنگ ءِ بگیری ءَ مردماں زھرشانی ءَ سید ھاشمی دگ بند کرتگ۔
زھرشانی کنوکیں مردمانی گوشگ اِنت کہ گوستگیں روچ ءَ ترندیں ھورانی آسرءَ ھار ءَ گس مل اِتگ اَنت ءُ مردم جنجالانی دیمپان اَنت، مردم وتی کمک ءَ وت ساماناں کشگ ءَ اَنت بلے سرکار ءِ نیمگ ءَ ھچ وڑیں کمک کنگ نہ بوتگ۔
آیاں گوں وتگڑیں سرکار ءَ لوٹ کرتگ کہ پہ مردمانی کمک ءَ زوتاں چہ زوت گامگیج بہ زور ایتءُگاڑی دیم بہ دنت۔
یات بہ بہ اِت کہ گوستگیں روچ ءَ ھورانی آسر ءَ بازیں گس لمب اتگ اَنت ءُ مردم ٹپی بوتگ اَنت۔ھار ءَ گودار شھر ءَ بازیں دکان مل اِتگ اَنت ءُ مردماں بازیں کچے ءَ مالی تاوان بوتگ۔
