مشکے: پاکستانی لشکر ءِ دست ءَ زور بیگواہ کنگ بوتگیں مردم آجو بوتگ۔
اھوالکار ءِ رد ءَ آجو بوتگیں مردمانی نام نزیر ء کادربکش ءُ مھمد امین ء درا اِنت کہ مشکے ءِ میتگ کندڑی ءِ جھمنند اَنت۔
نزیر ء کادر بکش 30 جنوری 2024 ءَ گوں مھیم ء نوردین ءِ ھواری ءَ ارب امارات ءِ لشکر ءَ دزگیر کرتگ ءُ 4 پروری ءَ پاکستان ءِ دست ءَ داتگ اَنت۔ نزیر بیست روچ ءِ بیگواھی ءَ پد یل کنگ بوتگ ءُ مھیم انگت بیگواہ اِنت۔
بنشون ءِ رد ءَ مھمد امین ء درا 7 نومبر 2023 ءَ مشکے ءِ میتگ کندڑی ءَ گوں دگہ دو مردم گزین ء ھاجی ءُ ھاسل ءِ نوردین ءِ ھواری ءَ پاکستانی لشکر ءَ آوار جتگ ءُ بیگواہ کرتگ اَنت۔ مھمد امین سے ماہ ءَ گیش ءِ زوریں بیگواھی ءَ پد آجو بوتگ۔ گزین ءُ ھاسل دوئیں انگت بیگواہ اَنت۔
