بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کولواہ ءَ21 پروری ءِ روچ ءِ دو ءَ پہ زورگریں پاکستانی لشکر ءَ راش بروکیں گاڑیانی سر ءَ اُرش کُرتگ ءُ دُژمن ءِ راشن دستیگ کُرتگ اَنت ءُ ھمے میان ءَ دژمن ءِ سر ویلنس ڈرون کیمرہ گوں نوکیں سلاھاں نشانگ کُرتگ ءُ تباہ کُرتگ۔
آئی ءَ گوشتگ کہ پروش وارتگیں دژمن چہ سرمچارانی تُرس ءَ وتی بنجل ءُ پانگساں وت راشن سر کُت نہ کنت۔ پمشکا ٹرانسپوٹراں بیھار دنت ءُ راشن برگ ءَ کارمرد کنت۔
جارکش ءَ گوشتگ کہبلے ما ھندی ٹرانسپوٹراں کڈن کن ایں کہ آ دژمن ءِ دست ءَ کارمرد مہ بنت، چے ءَ کہ سرمچارانی چم مدام دژمن ءُ آئی ءِ کمکارانی سر ءَ سَک اَنت ءُ ما آیاں کجام ھم وھد ءَ نشانگ کن ایں۔
آئی ءَ گوشتگ کہ دگہ یک اُرشے ءَ سرمچاراں 22 پروری ءِ شپ ءِ یازدہ ءُ چِل ءَ کیچ ءِ میتگ ھیرونک ءَ زورگریں پاکستانی لشکر ءِ بنجل ءِ سر ءَ گوں نوکین ءُ وتکاریں سلاھاں اُرش کُرتگ ءُ جانی ءُ مالی تاوان داتگ۔
بی ایل ایپ ءِ جارکش میجر گھرام ءَ اُرشانی زمہ واری منّ اتگ ءُ گوشتگ کول کن ایں کہ دژمنیں لشکر ءَ ھر کجا نشانگ کن ایں ءُ چہ بلوچستان ءَ دراھگ ءَ لاچار کن ایں۔
