کیپ: یوکرین ءَ گْوشتگ کہ یک میزائل اُرشے ءَ چارسد روسی لشکر ءِ کارمند مُرتگ جھانی رسانکدر ءِ رد ءَ یوکرین ءِ نیمگ ءَ گوشگ بیتگ کہ مکیوکا ءِ شھر ءَ یک لشکری بنجلے نشانگ کرتگ کہ اود ءَ روسی لشکر ءِ باز کارمند ساڑی بیتگ۔
دومی نیمگ ءَ آئی ءَ روس ءِ میزائل اُرش راست کرتگ ءُ گوشتگ کہ آئی اُرش ءِ آسر ءَ مئے باز لشکری کارمند مرتگ ءُ ٹپی بیتگ۔ روسی لشکر ءِ گوشگ اِنت کہ جنگ آماچیں ھندے ءَ یوکرین ءِ نیمگ ءَ نوکیں سال ءِ بندات ءَ میزائل اُرش کنگ بیتگ کہ آئی ءِ آسر ءَ یک وانگجاھے باز سانمند بیتگ۔
روسی لشکر ءِ گوشگ اِنت کہ اے اُرش ءَ ماڑی سرجم ءَ تباہ بیتگ کہ باز لشکری کارمند مرتگ ءُ ٹپی بیتگ۔ یوکرین ءَ بھتام جتگ ءُ گوشتگ کہ روس ءِ نیمگ ءَ نوکیں سال ءِ بندات ءَ ڈرونانی ھواری ءَ جنگی بالگردانی رد ءَ مئے سر ءَ بمبگواری کنگ بیتگ ءُ بازیں کچے ءَ تباھی بیتگ۔
بنشون: جھانی رسانکدر | اکس: دامگ
