بلوچ راجی آجوئی سنگر (براس) ءِ سرمچاراں وتگڑیں پاکستانی لشکر ءُ وتگڑیں گچینکاری تُکشام ءِ سر ءَ بیست اُرش کُرتگ۔
براس ءِ سرمچاراں زی بیگاہ ءِ پنچ ءَ آواران ءِ ھند نونڈرہ ءَ زورگریں پاکستانی لشکر ءِ یک بنجلے ءِ سر ءَ گوں ٹوھیں سلاھاں اُرش کُرتگ، اُرش ءَ دژمنیں لشکر ءَ جانی ءُ مالی تاوان بیتگ، اُرش ءَ ڈژمنیں لشکر ءِ یک بالیگی ھمے بنجل ءَ اَتکگ، مُرتگین ءُ ٹپی بیتگیں کارمندے بُرتگ اَنت۔
آئی ءَ گْوشتگ کہ سرمچاراں ھزدار ءِ ھند گریشگ ءِ گواراست ءَ سُھب ءِ یازدہ ءَ پیپلز پارٹی ءِ گچینکاری کارگس ءِ سر ءَ دستی بمب اُرشے کُرتگ۔
آئی ءَ گْوشتگ کہ براس سرمچاراں کیچ ءِ میتگ سامی ءَ دُژمنیں لشکر ءِ ٹوھیں بنجل ءِ سر ءَ گوں گرنیڈ لانچراں اُرش کُرتگ، اُرش ءَ لشکر ءِ سے کارمند ٹپی بیتگ۔
بلوچ ھان ءَ گْوشتگ کہ سرمچاراں مستونگ ءِ مھمد شھی گچینکاری بنجاہ ءِ سر ءَ ساڑی ئیں پاکستانی لشکر ءِ کارمند گوں دستی بمب ءَ نشانگ کُرتگ اَنت۔ اُرش ءَ کم چہ کم دو کارمند ٹپی بیتگ۔
براس ءِ جارکش ءَ گْوشتگ کہ سرمچاراں شپ ءِ ھپت ءَ پنجگور ءِ ھند پروم ءِ میتگ ریش پیش ءَ برجاھیں پاکستانی لشکر ءِ یک بنجلے ءِ سر ءَ گوں وتکاریں سلاھاں اُرش کُرتگ، اُرش ءَ دژمن ءَ جانی ءُ مالی تاوان بیتگ۔
آئی ءَ گْوشتگ کہ سرمچاراں پنجگور ءِ میتگ چتکان گریب آباد ءَ وتگڑیں گچینکاری بنجاہ ءِ ار ءَ دستی بمب اُرشے کُرتگ ءُ
پنجگور ءَ دگہ یک اُرشے ءَ سرمچاراں اَدار نوہ ءَ پاکستان پیپلز پارٹی امیدوار کپایت اللہ ءِ گعس ءِ سر ءَ دستی بمب اُرشے کُرتگ۔
آئی ءَ گْوشتگ کہ سرمچاراں دہ ءَ پنجگور ءِ میتگ ھُدابادان ءِ سراوان ءَ وتگڑیں گچینکاری بنجاہ ءِ سر ءَ گرنیڈ لانچرے آس داتگ۔
آئی ءَ گْوشتگ کہ براس ءِ سرمچاراں 6 پروری ءَ پنجگور ءِ میتگ سوردو ءَ نیشنل پارٹی ءِ ابدُلکدیر ساجدی ءِ گِس ءِ سر ءَ گرنیڈ لانچرے آس داتگ کہ اے گِس ءَ پہ وتگڑیں گچینکاری ءِ تُکشام ءَ کارمرز کنگ ءَ بیتگ اَنت۔
جارکش ءَ گْوشتگ کہ براس ءِ سرمچاراں شال ءِ سریاب ءَ کلی اھمد ھان زھی ءَ گچینکاری بنجاہ گوں چیرکُرتگیں شورھاں تباہ کُرتگ۔
آئی ءَ گْوشتگ کہ سرمچاراں 6 پرور ءَ ھاران ءِ جوژان ءَ وتگڑیں گچینکاری بُنجاہ ءِ سر ءَ دستی بمب اُرشے کُرتگ۔
بلوچ ھان ءَ وتی درشان ءِ تہ ءَ دیمتر ءَ گْوشتگ کہ سرمچاراں 6 پروری ءِ نیمروچ ءَ ملانٹ ءَ پاکستانی لشکر ءِ پیادگیں کارمند گوں چیرکُرتگیں شورھاں نشانگ کُرتگ اَنت، بمب تراک ءَ دُژمنیں لشکر ءِ 3 کارمند جاھی مُرتگ۔
آئی ءَ گْوشتگ کہ سرمچاراں 6 پروری ءَ کیچ ءِ ھند بالگتر ساکی ءَ پاکستانی لشکر ءِ بنجل ءِ سر ءَ چہ سئیں نیمگ ءَ گوں ٹوھین ءُ وتکاریں سلاھاں اُرش کُرتگ، اُرش ءَ دژمن ءَ بازیں کچے ءَ جانی ءُ مالی تاوان بیتگ۔
آئی ءَ گْوشتگ کہ سرمچاراں 6 پروری ءَ میرانی ڈیم جنگول بازار ءَ دژمن ءِ وتگڑیں گچینکاری بنجاہ ءِ سر ءَ دستی بمب اُرشے کُرتگ، ھمے وڑ ءَ سرمچاراں تمپ ءِ میتگ رودبن ءَ پاکستانی لشکر ءِ بنجل ءِ سر ءَ گوں وتکاریں سلاھاں اُرش کُرتگ، اُرش ءَ دژمن ءَ جانی ءُ مالی تاوان بیتگ، دگہ یک اُرشے ءَ سرمچاراں تمپ ءِ میتگ بالیچاہ ءَ پاکستانی لشکر ءِ سر ءَ گوں راکٹ ءُ وتکاریں سلاھاں اُرش کُرتگ، اُرش ءَ دژمنیں لشکر ءَ جانی ءُ مالی تاوان بیتگ۔
جارکش ءَ گْوشتگ کہ براس ءِ سرمچاراں دشت ءِ میتگ کنچتی ءَ گچینکاری بنجاہ نشانگ کُرتگ ءُ شش پروری ءِ شپ ءَ ڈیرہ مراد جمالی ءِ ڈیرہ شاہ پٹھان ڈپ ءَ پولیس ءِ گشتی ٹولی گوں وتکاریں سلاھاں نشانگ کُرتگ، اُرش ءَ پولیس ءَ جانی تاوان بیتگ۔ھمے وڑ ءَ براس ءِ سرمچاراں سبی ءِ بکتیار آباد ءَ ریل ءِ اڈہ ءِ سر ءَ ساڑی ئیں پاکستانی لشکر ءِ کارمند گوں دستی بمب ءَ نشانگ کُرتگ اَنت۔بمب اُرش ءَ دژمن ءَ جانی تاوان بیتگ۔
بلوچ ھان ءَ گْوشتگ کہ براس ءِ سرمچاراں 6 پروری ءِ شپ ءَ آواران ءِ ھند مشکے تنک ءَ زورگریں پاکستانی لشکر ءِ بنجل ءِ سر ءَ اُرش کُرتگ ءُ دژمنیں لشکر جانی ءُ مالی تاوان داتگ، ھمے وڑ ءَ سرمچاراں ھپت پروری ءِ شپ ءَ تربت تا مند شھدگ ءِ سر ءَ ھیرآباد ءَ دگ بستگ، داں یک اَدارے ءَ گیش سرمچاراں شھدگ بستگ ءُ گاڑی پٹ ءُ پول کُرتگ اَنت۔
براس ءِ جارکش بلوچ ءَ گْوشتگ کہ ما اے دُرسیں اُرشانی زمہ واری ءَ من ایں ءُ چہ بلوچ راج ءَ دزبندی کن ایںنکہ آ پاکستان ءِ وتگڑیں گچینکاری ءَ مہ رو اَنت ءُ وتی ھزاراں سال ءِ گْوستانک، دودمان، پجار ءُ راجی آجوئی ریاست ءِ جوڑ کنگ ءَ راجی جُھد ءِ پلہ مرزی ءَ بہ کنت۔
