کرگزستان: کرگزستان ءُ تاجکستان ءِ سیمسرانی سر ءَ میڑ ءَ تیزی آتکگ ءُ مزنیں سلاہ کارمرز کنگ بیگ ءَ اَنت، دوئیں نیمگانی میڑ ءَ بیست ءُ چار مردم مرتگ۔
جھانی رسانکدر ءِ رد ءَ کرگزستان ءُ تاجکستان ءِ سیمسرانی میان ءَ میڑ گْوَستگیں روچ ءَ بندات کنگ بیتگ ءُ دوئیں ڈیھ یکے دومی ءَ را پہ کولانی بگیری کنگ ءِ بھتام جنگ ءَ اَنت۔
کرگزستان ءِ گوشگ اِنت کہ پیسر ءَ تاجک لشکر کرگز ءِ میتگانی سر ءَ بیڑ برتگ، دوئیں ڈیھانی نیمگ ءَ یکے دومی ءِ بگیری ءَ ٹینک ءُ راکٹانی ھواری ءَ آدگہ مزنیں سلاہ کارمرز کنگ ءَ اَنت۔
بنشون: جھانی رسانکدر | اکس: دامگ
