واشنگٹن: روس ءُ یوکرین ءِ برجاھیں جنگ ءَ ھپت ماہ بیت بلے امریکہ چہ بنداتی روچاں یوکرین ءَ کمک کنگ ءَ اِنت ءُ آئی کمک انگت برجاہ اَنت۔
جھانی رسانکدر ءِ رد ءَ امریکی دری کارانی وزیر ءِ نیمگ ءَ وائٹ ھاوس ءَ ارسال میمو ءَ گوشگ بیتگ کہ امریکی مھتر بائیڈن ءَ روس ءِ بگیری ءَ جنگ ءَ یوکرینی لشکر ءَ 600 ملین ڈالر ءِ نوکیں سلاھانی دیگ ءِ جار جتگ۔
امریکی مھتر جو بائیڈن ءَ امریکی سلاہ جاہ ءَ ایریں گیشتریں سلاھانی دیم دیگ ءَ وتی واک کارمرز کرتگ ءُ پہ یوکرین ءِ کمک کنگ ءَ جار جتگ۔
جھانی رسانکدر ءِ رد ءَ برجاھیں میمو ءَ اے گپ گوشگ نہ بیتگ کہ اے پیکج ءَ یوکرینی لشکر ءَ چونیں سلاہ دیگ بیت۔ چہ دگہ بنشونے ءَ ھمے گوشگ بیتگ کہ اے پیکج ءِ تہ ءَ پہ یوکرین ءَ دگہ ھم ھمارس میزائل ءُ آدگہ سلاہ ھوار اَنت۔
بنشون ءَ وتی نام پدر نہ کنگ ءِ شرت ءَ گوشتگ کہ پیکج ءِ تہ ءَ داں دور ءَ گولہ جنوکیں ھاٹزرز ءِ گولا ءُ شورہ ھوار بنت۔ امریکی میمو ءَ اے گوشگ گپ بیتگ کہ اے پیکج پہ لشکری ھیل گرگ ءَ ھم کارمرز کنگ بیت۔
بنشون: جھانی رسانکدر | اکس: دامگ
