کیپ: یوکرینی لشکر ءِ گْوشگ اِنت کہ روس داں نوہ مئی ءَ جنگ ءَ ھلاس کنگ لوٹ ایت۔
جھانی رسانکدر ءِ رد ءَ یوکرینی لشکر ءِ سروگان ءَ گْوشتگ کہ روس ءَ وتی لشکری پرمان داتگ کہ داں نوہ مئی ءَ جنگ ءَ ھلاس بہ کن اِت۔
دومی نیمگ ءَ انگت روس ءَ یوکرین ءِ مزنیں شھر دستیگ کُت نہ کُرتگ اَنت۔ھمے شھرانی دستیگ کنگ ءِ دوا کنگ بیتگ پد ءَ یوکرینی لشکر ءِ دست ءَ اَنت۔ جنگ ءَ پیش لوھانسک ءُ ڈونئیسک ءَ روس ءِ پلہ مرزیں باگیاں وتی سرکار ءِ برجم کنگ ءِ جار جتگ اَت بلے یوکرین ءِ آدگہ شھراں باگیاں دز رسی نیست۔پمشکا یوکرینی لشکر ءِ گْوشگ اِنت کہ جنگ گیشاں چہ گیش داں اپریل ءَ برجاہ بوت کنت۔بلے چہ نیٹو ءِ نیمگ ءَ یوکرینی لشکر ءَ ھچ کمک کنگ نہ بیتگ۔ بنشون ءِ رد ءَ پمشکا روسی لشکریان ءَ داں نوہ مئی ءَ جنگ ءِ ھلاس کنگ ءِ پرمان دیگ بیتگ کہ روس ھمک سال 9 مئی ءَ 1941 ءَ داں 1945 ءَ برجاہ بیتگیں جنگ ءِ شاتکامی ءَ برجم دار ایت۔روس 9 مئی ءَ سرڈگار دوستی ءِ روچ ءِ بنیاد ءَ یات کنت چے ءَ کہ ھمے روچ ءَ جرمنی ءِ لشکر ءَ سلاہ چگل داتگ اَنت۔ یات بہ بہ اِت کہ روس ءَ پروری ءِ گُڈی روچاں یوکرین ءِ سر ءَ اُرش کُرتگ اَت کہ اے جنگ ءَ داں انوں دوئیں نیمگاں سدانی کچ ءَ لشکری کارمند ءُ دو ھزار ءَ گیش شھریانی مِرگ ءِ گُمان کنگ بیگ ءَ اِنت ءُ چار میان استمانی اھوالکار مُرتگ۔
بنشون: جھانی رسانکدر /اکس: دامگ
