کیچ ءِ ھند مند ءَ پاکستانی پوج ءَ بیڑ برتگ ءُ سے مردم آوار جتگ ءُ بیگواہ کرتگ۔
زرمبش جھگیر ءِ رد ءَ چہ زور بیگواھیں مردماں یکے ءِ نام ھاجی سدیر ء شئے مھمد اِنت کہ مند ءِ میتگ ردیگ ءِ جاہ منند اِنت۔ چہ آدگہ دوئیں مردماں یکے ھزدار ءِ جاہ منند اِنت ءُ یکے سند ءِ جاہ منند اِنت کہ دوئیں ھاجی سدیر ءِ کِر ءَ کار ءَ بوتگ اَنت۔
ھندی بنشون ءِ رد ءَ دوشی دو ءَ پوج ءَ بندات ءَ ھاجی سدیر ءِ کارجاہ ءَ بیڑ برتگ ءُ دوئیں مردم آوار جتگ اَنت ءُ پد ءَ گس ءَ اتکگ ءُ ھاجی سدیر آوار جتگ ءُ برتگ۔
بنشون: اھوالکار اکس: زرمبش
