چہ پنجگو ءِ پروم ءَ پاکستانی پوج ءِ دست ءَ زور بیگواھیں ورنا یھیا بلوچ، ابدالاھد بلوچ ءُ مھسن بلوچ ءِ کھول ءَ آیانی آجوئی ءِ لوٹ کرتگ۔
کھول ءِ گوشگ اِنت کہ یھا بلوچ ء یاسین، ابدالاھد بلوچ ء ملا نزر ءُ مھسن بلوچ ء مسلم پروم ءِ میتگ سلیمان بازار ءِ جاہ منند اَنت کہ پاکستانی پوج ءَ 17 مارچ 2026 ءَ چہ پروم ءِ سیمسر جیرک گوزراہ ءَ پوج ءَ آوار جتگ ءُ بیگواہ کرتگ اَنت۔ انچو روچ ءِ گوزگ ءَ ابید آیانی ھچ وڑیں ھال نیست۔
کھول ءِ گوشگ اِنت کہ یھیا بلوچ ءُ مسلم بلوچ دوئیں ڈرائیور اَنت ءُ ابدالاھد زمینداری کنگ ءَ بوتگ۔ مئے مردم بے میار اَنت ءُ آ گوں ھچ وڑیں سرکار ءِ بگیریں کاراں ھوار نہ بوتگ اَنت۔
آئی ءَ گوں سرکار ءَ لوٹ کرتگ کہ مئے زھگانی سر ءَ چونیں ھم بھتام ھست گڑا آمیدگس ءَ آرگ ءُ وتی بے میاری پیش کنگ ءِ موہ دیگ بہ بیت۔ اگاں بے میار اَنت گڑا زوت یل کنگ بہ بنت ءُ کھول چہ رنجاں آجو کنگ بہ بنت۔
کھول ءَ گوں انسانی ھکانی ادارھاں لوٹ کرتگ کہ پہ مئے زھگانی آجوئی ءَ توار چست کنگ ءَ وتی کرد ءَ پیلو بہ کن اَنت۔
بنشون: درشان اکس: کھول
