نامداریں نبشتہ کار ءُ بلوچ نیشنل موومنٹ ءِ سینئر وائس چیئرمین ڈاکٹر جلال بلوچ ءِ کتاب لانگ مارچ چہ رزوان شنگکاری، مھراب دگ مستونگ ءِ نیمگ ءَ شنگ بوتگ۔
اے کتاب چہ زوریں بیگواھی ءَ سانمندیں کھولانی جھد ءُ آیانی انساپ، جست ءُ لوٹاں پیش دار ایت۔
اے کتاب نمیرانیں جھدکار وائس پار بلوچ مسنگ پرسنز ءِ کمک سرکار ماما کدیر بلوچ ءُ زور بیگواھیں بلوچ نودربر سروک زاکر مجید ءِ مات لمہ راجی بی بی ءِ نام ءَ اِنت، آیانی مھکمی ءُ جھد ءَ زوریں بیگواھی ءِ جیڑہ یک منّ اتگیں انسانی ھکانی جیڑہ ءِ دیم ءَ آرگ ءَ بنیادی کردے پیلو کرتگ۔ آیانی جھد ءَ ھندی ءُ میان استمانی دلگوش گور کناھینتگ۔
نبشتہ کار ءَ اے زرمبشت ءِ پژدر ءُ اے لانگ مارچ ءِ سرجمیں ھال نبشتہ کرتگ اَنت کہ آ پاکستان سرکار ءِ دست ءَ بلوچستان ءَ زوریں بیگواھیں مردمانی بابت ءَ سرپدی دنت۔ اے کتاب کامریڈ ریاز بلوچ ءُ ازگر بلوچ ءَ رجانک کرتگ ءُ پہ ایشی شنگ کنگ ءَ دیدگ بلوچ ءِ واھشت ھم ھوار اِنت۔
بنشون: جار اکس: رسانکدر
