آواران ءِ ھند کولواہ ءَ پاکستانی پوج ءَ تیرگواری کرتگ ءُ ماس، پس ءُ زھگے کشتگ، دگہ سے مردم ٹپی اِنت۔
زرمبش جھگیر ءِ رد ءَ کشگ بوتگیں مردمانی نام مھمد اُمر بلوچ، آئی لوگبانک پائزہ بلوچ ءُ آئی جنک ماہ زیب بلوچ اِنت کہ کولواہ ءِ میتگ چیری مالار، بنُگل بازار ءِ جاہ منند اَنت۔ مھمد امر ءِ نشار پھمیدہ ءَ ھوار سے مردم ٹپی بوتگ۔
بنشون ءِ رد ءَ مرچی پاکستانی پوج ءَ تیرگواری کرتگ ءُ نشانگ کرتگ اَنت۔
اے بابت ءَ مئے گیشیں جست ءُ پرس برجاہ اِنت۔
چوش کہ پاکستانی پوج ءَ پاری 17 مئی ءَ مالار مچی ءَ تیرگواری کرتگ اَت ءُ نئیم بلوچ ءِ سنجر ءُ ھوری بلوچ ءِ کاسم کشتگ اِت اَنت ءُ نئیم بلوچ ءِ ماس ٹپی بوتگ اَت۔
بنشون: اھوالکار اکس: زرمبش
