کراچی: چہ ملیر ءَ آوار جتگیں بوتگیں ورنا آسم ازگر ءِ دروگیں دزگیری سی ٹی ڈی ءَ پدر کرتگ ءُ بی ایل اے ءِ باسکے لیک اِتگ۔
اھوالکار ءِ رد ءَ آسم ء ازگر ءَ پاکستانی پوج ءَ شازدہ مارچ ءَ چہ ملیر ءَ شراپی گوٹ ءَ پٹبال لئیب ءِ وھد ءَ درسیں مردمانی دیم ءَ آوار جتگ ءُ بیگواہ کرتگ۔ ھما اِنت کہ آئی بابت ءَ ھچ سرپدی دیگ نہ بوتگ۔
مرچی سی ٹی ڈی ءَ یک بیڑے ءِ میان ءَ آسم ءِ دزگیری پدّر کرتگ ءُ گوشتگ کہ آ بلوچ لبریشن آرمی ءِ باسکے۔
آئی کھول ءَ گوشتگ کہ آسم ازگر ءَ شانزدہ مارچ ءَ ریاستی ادارھاں آوار جتگ آئی انوگیں دزگیری دروگے۔
انسانی ھکانی کارکنانی گوشگ اِنت کہ اے وڑیں ویل گوست ءَ ھم بوتگ اَنت کہ مردماں زوربیگواہ کنگ ءَ پد آیانی سر ءَ جتائیں بھتام جنگ ءُ دیم ءَ آرگ ءَ اَنت۔
آسم ءِ کھول ءَ آئی آجوئی ءِ لوٹ کرتگ ءُ گوشتگ کہ آسم آمیدگس ءَ پیش کنگ بہ بیت ءُ اے بھتام ءِ بابت ءَ شریں رنگے ءَ پٹ ءُ پول کنگ بہ بیت۔
بنشون: رسانکدر اکس:رسانکدر
