آواران: مشکے ءَ پاکستانی پوج ءَ وانگجاہ ءُ گساں بیڑ برتگ ءُ نودربراں ھوار بیست ءَ گیش مردم آوار جتگ ءُ بیگواہ کرتگ۔
زرمبش جھگیر ءِ رد ءَ پاکستانی پوج ءَ زی سھب ءَ مشکے ءِ میتگ لاکی ءَ پیری بلوچ ءِ گس ءَ بیڑ برتگ ءُ گوں مردماں زوراکی کرتگ ءُ آئی ورنائیں بچک اکراز ء پیری آوار جتگ ءُ بیگواہ کرتگ۔
ھمے وڑ ءَ پاکستانی پوج ءَ زی سھب ءَ مشکے ءِ میتگ کلات چیر ءَ ھم گسے ءَ بیڑ برتگ ءُ الی شیر بلوچ آوار جتگ ءُ بیگواہ کرتگ۔
بیگواگیں اکراز بلوچ تربت ءَ زیارت ءَ بوتگ ءُ انوں وتی گس ءَ آتکگ۔ زی پاکستانی پوج ءَ چہ گس ءَ آوار جتگ۔
زرمبش جھگیر ءِ گوشگ اِنت چہ اے دوئیں مردماں ابید پاکستانی پوج ءَ مشکے گجر ءِ مزنیں وانگجاہ ءَ بیڑ برتگ ءُ بیست ءِ کچ ءَ نودربر آوار جتگ ءُ بیگواہ کرتگ کہ انگت آیانی نام زانگ نہ بوتگ اَنت۔
بنشون: زرمبش جھگیر اکس: اھوالکار
