بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ چہ پنجگور ءَ کشندہ ٹولی ءِ دست ءَ ابداللہ بلوچ ءِ آوار جنی ایر جتگ ءُ گوشتگ کہ آ پنجگور ءِ ھند کھن زنگی ءِ جاہ منند اِنت ءُ نودربرے، 21 مارچ 2026 ءَ چہ وشبود ءَ آوار جنگ ءُ بیگواہ کنگ بوتگ۔
آئی ءَ گوشتگ کہ ابد اللہ بلوچ ء ابدلوھید ءِ کشندہ ٹولی ءِ دست ءَ آوار جنگ بلوچستانءَ گیش بیوکیں زوریں بیگواھیانی بھر اِنت کہ نودر، ورنا ءُ لس مردم درکانودی آوار جنگ ءُ بیگواہ کنگ بنت۔
پانک ءِ گوشگ اِنت کہ ابداللہ بلوچ یک نودربرے ءُ چہ آئی زوریں بیگواھی ءَ ھمے پدر بیت کہ بلوچستان ءَ پہ ورنایاں چنچو ترس اِنت۔ ابداللہ ءِ بابت ءَ ھچ وڑیں سرپدی دیگ ءَ نہ اَنت چہ ایشی آسر ءَ آئی کھول سکا جنجال اِنت۔
آئیءَ گوشتگ کہ اے ویل انسانی ھکانی لگتمالی زانگ بیت۔ زوریں بیگواھی نہ تھنا یک مردمے بلکیں آئی سرجمیں کھول ءَ سسائی جنجال کنت۔
بنشون: درشان اکس: پانک
