بلوچ وومن پورم ءِ سروک ڈاکٹر شلی بلوچ ءَ وتی درشانے ءَ گوشتگ کہ زاھد بلوچ یک نودربر سروکے، گوں دگہ سنگتے ءَ اسد بلوچ ءَ گوستگیں دوازدہ سال اِنت کہ بیگواہ اِنت۔ داں انوں آیانی بابت ءَ ھچ وڑیں سرپدی دیگ ءَ نہ اَنت۔
آئی ءَ گوشتگ کہ آیانی کھولاں دھکے بیت سسائی جنجالانی دیمپان اَنت ءُ ھمک روچ پہ آیاں وداریگ اَنت۔ آیاں پر ایمنیں زھرشانی کرتگ، آمیدگس، ڈیھ ءُ میان استمانی ادارہ اکوام متھدہ ءَ ھم شتگ اَنت، بلے داں انوں آیاں ھچ پسو ءُ انساپ نہ رستگ۔
ڈاکٹر شلی بلوچ ءَ گوشتگ کہ گوستگیں سال ءَ زاھد بلوچ ءِ برات شاہ جان ھم کشگ بوتگ ایشی کھول ءِ جنجال گیش کرتگ اَنت۔ چہ ایشی پہ کھول ءَ پھازداری ءِ ترس گیش بوتگ۔
آئی ءَ لوٹ کرتگ ءُ گوشتگ کہ زاھد بلوچ ءُ اسد بلوچ ءِ بابت ءَ زوت سرپدی دیگ بہ بیت ءُ زوریں بیگواھی ءِ درچ بند کنگ بہ بیت۔
بنشون: درشان اکس: دامگ
