بلوچ لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشانے ءَ گوشتگ کہ بی ایل ایپ ءِ سرمچارانی یک ٹولی یے 13 پروری 2026 ءَ نال ءِ ھند گریشگ ءَ کارے ءَ تر ءُ گرد ءَ بوتگ نیمروچ ءَ دو ءِ نزیک ءَ ندگی ءَ سنگرگپتگیں ریاستی کشندہ ٹولیءِ کارمنداں آیانی سر ءَ ارش کرتگ۔ سرمچاراں زوت سنگر گپتگ ءُ جوابی کاروائی کرتگ سرمچار ءُ سرکار ءِ پلہ مرزیں کشندہ ٹولی ءِ کارمندانی میانءَ دراجکشیں جنگے بندات بوتگ۔
آئی ءَ گوشتگ کہ دو ادار ءَ گیش ءِ برجاھیں جنگ ءَ سرمچارانی دگہ یک ٹولی یے ءَ چہ دگہ نیمگے ءَ کشندہ ٹولی تاوان داتگ۔ چہ ایشی ءَ آ ترس آماچ بوتگ،سرمچاراں چہ وتی کاروائیءَ دژمن پد کنز کرتگ۔ دژمن ءَ وتی مرتگءُ ٹپی بوتگیں کارمند یل داتگ اَنت ءُ پہ تچک ءَ لاچار بوتگ۔
جارکش ءَ گوشتگ کہ جنگ ءِ بندات ءَ چہ دژمنءِ تیرگوری ءَ یک سرمچاریں سنگتے شھید ءُ یکے ٹپی بوتگ۔ سرمچارانی دومی ٹولی ءَ گولا آس دیگ ءِ میانءَ ٹپی ئیں سرمچار ءُ شھیدیں سنگتءِ لاش چہ آ جاہ ءَ کش اتگ ءُ مھکمیں جاھےءَ برتگ اَنت۔ دومی ٹپی ئیں سنگتءَ ٹپانی درد نہ سگ اِتگ ءُ شھید بوتگ۔
آئی ءَ گوشتگ کہ دژمنءِ گونءَ اے میڑءَ سمیر بلوچ ء ھالک داد گریشگ بدرنگ ءِ جاہ منند اِنت شھید بوتگ۔ آ مارچ 2024 ءَ بی ایل ایپ ءِ راھبند ءَ کوھی چیر جنگی ءَ ھوار بوتگ۔ آ یک جپاکش ءُ سکا نہ ترسیں سرمچارے اَت۔ شھید سمیر ءَ چہ اکلاک ءُ ایمانداری ءِ سوب ءَ سنگتاں جوانیں ارزیشتے داتگ۔ آئی آواران، کولواہ، جاؤ، سورگر، اورناچ، نال ءُ گریشگ ءَ وتی پرز پیلو کرتگ۔
جارکش ءَ گوشتگ کہ گوں دژمن ءَ جنگءَ شھید بوتگیں سنگت وھید بلوچ پنام ولید ء ھالک داد گریشگ، گونی ءِ جاہ منند اِنت۔ آ 2024 ءَ بی ایل ایپ ءَ ھوار بوتگ۔داں یک سالے ءَ گوں سوبمندی ءَ وتی کار ءِ برجاہ دارگ ءَ پد 2025 ءَچہ گل ءِ پیسلہ ءِ رد ءَ کوہ ءَ اتکگ۔ آ زمینی راہ ءُ راھبنداں بلد ءُ ایمانداریں سنگتے بوتگ۔ وتی گڈی جنگ ءَ ٹپی بوگءَ ابید آئی توکل مھکم بوتگ۔آئی پہ وتی سنگتانی چہ دژمن ءِ انگر ءَ کشگ ءَ داں گڈی دم ءَ رھشونی کرتگ۔
میجر گھرام بلوچ ءَ وتی درشان ءِ گڈی ءَ گوشتگ کہ بی ایل ایپ ءِ دامن ءِ شاشان ءِ جنگءَ شھید بوتگیں وتی نہ ترسیں دوئیں سرمچاروھید بلوچ پنام ولید ءُ سمیر بلوچ پنام میرانءَ آیانی دیمونی ءُ نہ ترسی ءَ سلام کنتءُ ستک شانی ندر کنت ءُ ھمے کول ءَ کنت کہ داں بلوچستان ءِ آجوئیءَ شھیدانی کاروان برجاہ بیت۔
بنشون: درشان اکس: زرمبش
