بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ تُربت ءَ سئید بی بی بلوچ ءِ گس ءَ بیڑ برگ ایر جتگ ءُ گوشتگ کہ اے بلوچستان ءَ پر ایمنیں کارکنانی گون ءَ یکشلیں زوراکی ءَ پیش دار ایت۔ سئید بی بی بلوچ یک انسانی ھکانی کارکنے ءُ بلوچ یکجھتی کمیٹی ءِ باسک اِنت، بلے چہ ایشی ءَ ابید آ ءُ آئی کھول یکشل ءَ ریاستی زوراکیانی دیمپان اَنت۔
ڈاکٹر نسیم بلوچ ءَ گوشتگ کہ آئی نام پاکستان ءَ پورتھ شیڈول ءَ ھوار کرتگ، چہ ایشی ءَ پیش گوں ترندی ءَ آئی سر ءَ چم سک اَنت ءُ پہ جتائیں پابندیانی دیمپانی کنگ ءَ لاچار اِنت۔ چہ ایشی ءَ ابید آئی ھمے شرتانی سر ءَ کارکنگ ءُ گوشگ ءِ رد ءَ مدام پولیس اسٹیشن ءَ روگ ءَ اِنت۔ بلے چہ آئی کانود ءِ پاسداری کنگ ءَ ابید پاکستانی پوج ءَ آ ءُ آئی کھول ءِ یکشل ءَ پاتراپ ءُ ترسینگ ءِ درچ برجاہ داشتگ۔
آئی ءَ گوشتگ کہ ھمے وڑ ءَ اے گامگیج بلوچستان ءَ انسانی ھکانی کارکنانی گوں ترندی ءَ نشانگ کنگ ءَ پدر کنت۔ اکوام متھدہ ءُ آدگہ میان استمانی گل ھمے جیڑہ ءِ سر ءَ زوت دزمانجنی بہ کن اَنت۔ اے وڑیں ھیلہ ایر جنگ بہ بنت ءُ سئید بی بی بلوچ ءَ ھوار آدگہ پر ایمنیں کارکنانی ترسینگ زوت بند کنگ بہ بیت۔
بنشون: درشان. اکس: دامگ
