زْرمبش بلوچی
 

پانک ءَ ھیرونک ءَ آسپ بلوچ ءُ پنجگور ءَ ابداللہ بلوچ ءِ کوش ایر جتگ

بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ تربت ءُ پنجگور ءَ آسپ بلوچ ءُ ابد اللہ بلوچ ءِ کوش ایر جتگ۔

آئی ءَ گوشتگ کہ 8 مارچ 2026 ءَ تربت ءِ ھند ھیرونک ءَ آسپ بلوچ ء نزیر کہ سنگ آباد ءِجاہ منند اِنت ءُ یک ڈرائیورے۔ ریاست ءِ پلہ مرزیں کشندہ ٹولی ءَ تیرگواری کرتگ ءُ کشتگ۔ آسپ بلوچ یک لس شھری یے ءُ وتی کھول ءِ والینوک بوتگ۔

آئی ءَ گوشتگ کہ ھمے وڑ ءَ 10 مارچ 2026  ءَ پنجگور ءِ ھند مواچ چاراہ ءَ بیگاہ ءِ پنچ ءُ نیم ءَ ابد اللہ بلوچء کریم جان تیرگواری کنگ ءُ کشگ بوتگ۔ آئی امر بیست ءُ ھپت سال اِنت ءُ مواچ ءِ جاہ منند اِنت۔ ھندی مردمانی رد ءَ آئی کشندہ ریاستی کشندہ ٹولی اِنت۔

پانک ءِ رد ءَ دوئیں مردم لس شھری بوتگ اَنت ءُ گوں ھچ وڑیں سلاہ بندیں گلاں ھوار نہ بوتگ اَنت۔ اے وڑیں ویل ھندی مردماں ترس آماچ کنت ءُ بلوچستان ءَ لس شھریانی درکانودی کوش ءَ پیش دار ایت۔

آئی ءَ گوں میان استمانی تک ءُ انسانی ھکانی گلاں لوٹ کرتگ کہ آ بلوچستان ءِ جاورانی سر ءَ زوت دلگوش بدے اَنت ءُ پہ شھریانی پھریزگ ءَ گامگیج بزور اَنت۔

    بنشون: درشان.            اکس: پانک

شونکار

شونکار

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

پَنجگُور ءَ دو ماھانی میان ءَ بیست ءُ دو ءَ گیش ورنایانی لاش چگل دیگ بوتگ اَنت۔ ڈاکٹر شلی بلوچ

بدھ مارچ 11 , 2026
بلوچ وومن پورم ءِ سروک ڈاکٹر شلی بلوچ ءَ وتی درشانے ءَ گوشتگ کہ بلوچستان ءِ دمگ پنجگور ءَ یکشل ءَ دردیگیں ھال دیم ءَ پیداک اَنت، اود ءَ گوستگیں دو ماھانی میان ءَ 22 ءَ گیش ورنایانی لاش چگل دیگ بوتگ اَنت۔ ھالانی رد ءَ چہ آیاں بازیں ورنا […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔