بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ وتی درشانے ءَ ھاجی داد مھمد ءِ بیرانی ءِ سر ءَ دلپدردی درشان کرتگ ءُ گوشتگ کہ آ وائس پار بلوچ مسنگ پرسنز ( وی بی ایم پی ) ءِ چیئرمین نسر اللہ بلوچ ءِ پس ءُ زور بیگواھیں الی ازگر بنگلزھی ءِ براس اِنت۔ الی ازگر بنگلزھی پاکستانی پوج ءَ آوار جنگ ءَ پد بیگواہ کرتگ کہ آئی کھول گوستگیں بیست ءُ پنچ سال ءَ گیش اِنت کہ زوریں بیگواھی ءِ رنجاں اوپار کنگ ءَ اِنت۔
آئی ءَ گوشتگ کہ اے وھد ءَ آئی کھول ءَ وتی آزیز ءِ دوبر گندگ ءِ وشی نسیب ءَ بوتیں، بلے چہ ایشی ءَ ابید آ مرچی ھم راستی ءُ انساپ ءِ ودار ءَ یک دردیگ ءُ دراجکشیں وھدے گوازینگ ءَ اَنت۔
ڈاکٹر نسیم بلوچ ءَ گوشتگ کہ من گوں نسر اللہ ءُ آئی کھول ءَ ھمدردی درشان کن آن ءُ دوا کن آں کہ ھدا ھاجی داد مھمد ءَ وتی باگیں بھشت ءَ جاہ بہ دنت ءُ آئی ارواہ آسودگ بات۔
بنشون: درشان اکس: دامگ
