آواران ءِ ھند تیرتیج ءَ چار مردم ءِ تیرسپتگیں لاش دزکپتگ۔
زرمبش جھگیر ءِ رد ءَ چہ لاشاں یکے پچارگ بوتگ آئی نام گنج بکش بلوچ ءِ گلام ھیدر اِنت کہ کولواہ، گیشکور ءِ میتگ زیک ءِ جاہ منند اِنت۔ گنج بکش ءَ پاکستانی پوج ءَ 7 جنوری 2026 ءَ چہ گیشکور ءِ بازار ءَ گوں آئی ناکوزتک باکی بلوچ ء امام بکش ءَ ھوار ھما وھد ءَ آوار جتگ ءُ بیگواہ کرتگ کہ آ دیم پہ تُربَت ءَ روگ ءَ بوتگ اَنت۔ باکی بلوچ انگت بیگواہ اِنت۔
انچوش گوشگ بوگ ءَ اِنت کہ آدگہ مردم ھم پاکستانی پوج ءِ دست ءَ زور بیگواھیں مردم بنت۔ اے بابت ءَ مئے جست ءُ پرس برجاہ اِنت۔
بنشون: اھوالکار. اکس: اھوالکار
