واشنگٹن: امریکا ءِ مھتر جو بائیڈن ءَ گوشتگ کہ ما جھان ءَ چہ سیمی مزنیں جنگ ءَ پھریزگ لوٹگ ءَ ایں۔ بلے روس سیمی مزنیں جنگ ءِ نیمگ ءَ روگ ءَ اِنت۔ دری رسانکدر ءِ رد ءَ امریکا ءِ مھتر جو نائیڈن ءَ روس ءِ سر ءَ مالی پابندی جنگ بہ بیت داں روس سیمی مزنیں جھانی جنگ ءِ نیمگ ءَ مہ روت۔آئی گْوشتگ کہ پما دو راہ پشت کپتگ یا ما روس ءِ بگیری ءَ جنگ بہ کن ایں یا روس کانودانی بگیری کنگ ءِ جُستانی پسو ءَ بہ دنت۔ دومی نیمگ ءَ جرمنی ءَ وتی بالیگرابانی داں یک ھپتگے ءَ روس ءَ سپر کنگ مھتل داشتگ اَنت۔آیانی گْوشگ اِنت اے میان ءَ روس ءِ بالی پٹ کارمرد کنگ نہ بنت۔ یورپی یونین، امریکا ءُ ھم سَنتاں بازیں روسی بینکانی چہ بُنجاہ ءِ نیمگ ءَ زر نہ دیگ ءِ سر ءَ ھم پَت بیتگ اَنت،یورپی کمیشن ءِ گْوشگ اِنت کہ لھتیں روسی بینک چہ سوئپٹ بینکنگ سسٹم ءَ کشگ بیتگ اَنت۔چہ ایشی ءَ روس ءِ درامد ءُ برآمد بند بنت۔یورپی کمیشن ءِ مھتر ءِ رد ءَ میان استمانی زَر ءِ نہ دیگ ءِ بنیاد ءَ روس ءِ بُنجاھی بینک بند بنت۔
بنشون : جھانی رسانکدر /اکس: دامگ
