چہ ھزدار ءَ زور بیگواھیں گنی بلوچ ءِ کھول ءَ وتی درشانے ءَ گوشتگ کہ گنی بلوچ 25 مئی 2025 ءَ چہ ھزدار ءَ ھما وھد ءَ آوار جنگ بوتگ کہ آ گوں ال منیر بس ءَ چہ شال ءَ کراچی ءَ روگ ءَ بوتگ۔
آئی ءَ گوشتگ کہ اے نُھ ماہ ءِ میان ءَ ما سکا جنجالانی دیمپان بوتگ ایں۔ گنی بلوچ ءِ زوریں بیگواھی ءَ مئے زندگی ءِ تہ ءَ یک انچیں جاھے ھورک کرتگ کہ آئی ءَ ما گوں لبزاں درشان کرت نہ کن ایں۔
کھول ءَ گوشتگ کہ چہ گنی بلوچ ءِ نُھ ماہ ءِ گوزگ ءَ ابید ما انگت ءَ پہ آئی ءَ وداریگ این ءُ پہ آئی آجوئی ءَ یکشل ءَ توار چست کن ایں۔
آئی گوں سرکار ءَ لوٹ کرتگ کہ گنی بلوچ زوت دیم ءَ آرگ ءُ گوں کھول ءَ انساپ کنگ بہ بیت۔
بنشون: درشان. اکس: رسانکدر
