چہ شال ءَ پاکستانی پوج ءَ دو ورنا آوار جنگ ءَ پد بیگواہ کتگ۔
ھندی بنشون ءِ رد ءَ پاکستانی پوج ءَ شال ءِ ھند کلی کمبرانی ءَ بیڑ برتگ ءُ ابدُلکھار ء ابدُلجبار کمبرانی ءُ مسور کمبرانی ء اپزل کمبرانی آوار جنگ ءَ پد بیگواہ کتگ اَنت۔
ھمے وڑ ءَ چہ ھاران شھر ءَ شاپنگ سینٹر ءَ چیریں ادارھانی کارمنداں مھمد آرپ ء مھمد اشرپ ملازھی آوار جتگ ءُ بیگواہ کتگ۔
چوش کہ زی ھم پاکستانی پوج ءَ چہ ھاران ءَ باز مردم آوار جتگ ءُ بیگواہ کتگ اَت چہ آیاں چار مردمانی نام اویس اھمد کمبرانی، منیب سیاہ پاد، مگپر سیاہ پاد ءُ اھمد سیاہ پاد اِنت۔
بلوچستان ءِ جتائیں ھند ءُ دمگاں پاکستانی پوج ءِ نیمگ ءَ زوریں بیگواھیانی درچ گوں ترندی ءَ برجاہ اِنت۔ ھمک روچ مردمانی زوریں بیگواھی ءِ ھال شنگ بوگ ءَ اَنت۔
