ھزدار ءِ ھند سالہ آباد ءِ جھمنندیں مپتی زبیر ء مراد ھان جتک ءِ کھول ءَ وتی درشانے ءَگوشتگ کہ زبیر جتک پاکستانی پوج ءَ بیست نومبر 2025 ءِ شپ ءِ ادار دوازدہ ءَ چہ شال ءِ ھند لکپاس ءَ آوار جتگ ءُ بیگواہ کرتگ۔
آئی گوشتگ کہ چہ زبیر جتک ءِ زوریں بیگواھی ءَ پد مارا آئی بابت ءَ ھچ سرپدی دیگ نہ بوتگ کہ آ چون ءُ کج ءَ اِنت۔ چہ آئی زوریں بیگواھی ءَ مئے سرجمیں کھول جنجالانی دیمپان اِنت۔
آئی گوں انسانی ھکانی کارکن، سیاسی ءُ چاگردی گل ءُ سول سوسائٹی ءَ لوٹ کرتگ کہ آ پہ زبیر جتک ءِ زوتیں آجوئی ءَ توار چست بہ کن اَنت ءُ وتی کرد ءَ پیلو بہ کن اَنت۔
