کیچ: تمپ ءِ میتگ گومازی ءَ پاکستانی پوج ءَ بیڑ برتگ ءُ گسانی پٹ ءُ پول کنگ ءِ ھواری ءَ گسانی سامان دُز اتگ اَنت۔
زرمبش جھگیر ءِ رد ءَ دوشی پاکستانی پوج ءَ جتا جتائیں گساں بیڑ برتگ ءُ گوں زھگ ءُ زالبولاں ءُ آدگہ مردماں زوراکی کرتگ۔ پوج ءَ گسانی پٹ ءُ پول کنگ ءِ ھواری ءَ گسانی گرانھادیں سامان ھم دُز اتگ اَنت۔گوں پاکستانی پوج ءَ کشندہ ٹولی ءِ کارمند ھم گوں بوتگ اَنت۔
ھندی بنشون ءِ رد ءَ سے روچ پیش پاکستانی پوج ءَ گومازی ءِ بیڑ برتگ ءُ پازل بلوچ ء مولابکش آوار جنگ ءَ پد بیگواہ کرتگ۔
پوج ءِ دوشی بیڑ برگ ءَ دگہ آوارجنی ءِ ھال نیست ، اے بابت ءَ مئے گیشیں جست ءُ پرس برجاہ اِنت۔
