بلوچ نیشنل موومنٹ ( بی این ایم ) ءِ نیمگ ءَ شنگ بوتگیں جارے ءَ گوشگ بوتگ کہ بی این ایم ءِ نیمگ ءَ 4 جنوری 2026 ءَ روچ ءِ یک ءَ داں سے ءَ لندن ءَ ٹن ڈاؤننگ اسٹریٹ ءِ دیم ءَ زھرشانی کنگ بیت۔ اے زھرشانی ءِ مول بلوچستان ءَ بلوچ زھگ ءُ زالبولانی آوارجنی ءُ زوریں بیگواھیانی بگیری ءَ توار چست کنگ اِنت۔
آئی گوشگ اِنت کہ بلوچ زھگ ءُ زالبولانی زوریں بیگواھی میان استمانی کانود ءِ تچک ءَ بگیری اِنت ءُ یک پر ایمنیں راجے ءِ بگیری ءَ مچی سزا اِنت۔ اے گامگیج پہ انسانی شرپ ءَ ارشے زانگ بیت ءُ انسانیت ءِ بگیری ءَ میارباری یے۔
بی این ایم ءِ رد ءَ ما ھمے زھرشانی ءِ پارست ءَ چہ برتانیہ سرکار ءُ میان استمانی ادارھاں لوٹ کن ایں کہ آ بلوچستان ءَ ریاستی زوراکی، زوریں بیگواھی ءُ انسانی ھکانی لگتمالیانی سر ءَ دلگوش گور بہ کن اَنت ءُ پاکستان ءَ اے میارباریانی سر ءَ جست بہ کن اَنت۔
بی این ایم ءَ گوں میان استمانی تک، انسانی ھکانی گل ءُ گوں برتانیہ ءِ مھلوک ءَ لوٹ کرتگ کہ آ اے زھرشانی ءَ بھر بزور اَنت ءُ گوں بلوچ زالبولاں یکجھتی بہ کن اَنت ءُ چہ میان استمان ءَ دزمانجنی ءِ لوٹ ءَ بہ کن اَنت۔
