ماھے ءَ پیش چہ مستونگ ءَ آوار جنگ بوتگیں پولیس کارمند ابید اللہ آجو بوتگ۔
بنشون ءِ رد ءَ ابید اللہ ء ھاجی ابدالنبی ءُ آئی ناکوزتک مھمد شپا دوئیں پولیس کارمند اَنت ءُ 21 نومبر ءَ چہ مستونگ ءِ ھند شمس آباد ءَ آوار جنگ ءُ بیگواہ کنگ بوتگ اَنت۔ ابید اللہ 31 دسمبر ءَ آجو بوتگ ءُ وتی گس ءَ سر بوتگ، مھمد شپا انگت بیگواہ اِنت۔
ابید اللہ ءِ آجوئی ءِ گپ وائس پار بلوچ مسنگ پرسن ءَ راست کرتگ ءُ گوشتگ کہ ما ھمے اوست ءَ دار ایں سرکار پہ مھمد شپا ءِ آجوئی ءَ وتی کرد ءَ پیلو کنت۔
