بلوچ لبریشن آرمی (بی ایل اے) ءِ جارکش جیئند بلوچ ءَ وتی شنگ کرتگیں درشانے ءَ گوشتگ کہ سرمچاراں تجابان، پَنجگُور ءُ تُربَت ءَ زورگریں پاکستانی پوج ءُ آئی چاریگی نزام نشانگ کرتگ۔
آئی گوشتگ کہ بی ایل اے ءِ سرمچاراں 23 دسمبر ءَ کیچ ءِ ھند تجابان ءَ زورگریں پاکستانی پوج ءِ یک چوکی یے نشانگ کرتگ۔ سرمچاراں وتکاریں سلاہ کارمرز کرتگ ءُ پاکستانی پوج ءِ سنگرانی سر ءَ گرنیڈ لانچر ءِ باز گولا آس داتگ۔ اُرش ءِ آسر ءَ پاکستانی پوج ءِ دو کارمند جاھی مرتگ ءُ گیش تاوان بوتگ۔ سرمچاراں بنجل ءِ سر ءَ جتگیں چاریگی کیمرہ ھم تباہ کرتگ اَنت۔
آئی گوشتگ کہ بی ایل اے ءِ سرمچاراں 25 دسمبر ءَ پَنجگُور ءِ ھند کاٹگری ءَ سی پیک شھدگ ءَ زورگریں پاکستانی پوج ءِ یک گاڑی یے ھما وھد ءَ گوں تراکناکیں شورھاں نشانگ کرتگ کہ آ جتائیں ھنداں پہ کاروان ءِ پھازداری ءَ ایر کرتگیں کارمنداں واتر بنجل ءَ برگ ءَ بوتگ۔ تراک ءِ آسر ءَ زورگریں پوج ءِ شش کارمند مرتگ ءُ چار ٹپی بوتگ۔ آیانی گاڑی ءَ باز تاوان بوتگ۔
جارکش ءَ گوشتگ کہ بی ایل اے ءِ سرمچاراں 28 دسمبر ءَ تُربَت ءِ ھند ڈنک ءَ زورگریں پاکستانی پوج ءِ کارمرز بیوکیں موبائل ٹاور تراکناکیں شورہ بستگ ءُ تباہ کرتگ۔ ٹاور ءِ سر ءَ جتگیں چاریگی کیمرہ نشانگ کرتگ ءُ تباہ کرتگ۔
جیئند بلوچ ءَ درشان ءِ گڈی ءَ سئے ئیں کاروائیانی زمہ واری من اِتگ۔
