کابل: اوگانستان ءِ دری کارانی وزیر امیر ھان متکی ءَ گوشتگ کہ پاکستان ءِ کِر ءَ مزنیں پوج ءُ ٹیکنالوجی ھست پد ءَ ھم وتی پھازداری ءَ وت کرت نہ کنت ءُ اچما ھر کار ءِ اوست ءَ دار ایت۔
آئی ءَ گوشتگ کہ امارت اسلامیہ ھندوستان ءَ ھوار چونیں ھم ڈیھے ءِ گون ءَ گپ ءُ تران ءُ نزیکی کرت کنت۔ پاکستان ءَ وت ءَ ھندوستان ءَ سپارتجاہ ھست گڑا ما ھم گوں ھندوستان ءَ نزیکی کن ایں۔
اوگانستان ءِ دری کارانی وزیر ءَ دیمتر ءَ گوشتگ کہ واشنگٹن ڈی سی ءَ چہ اوگان باھوٹی ءِ نیمگ ءَ پھازداریں کارمندانی سر ءَ تیرگواری کنگ ءِ گوں ویل ءَ اوگانستان ءِ مھلوک یا سرکار ءِ دست مان نہ اِنت۔ آ یک مردمے ءِ میارباری اِنت ءُ اے مردم ءَ پہ اے کار ءَ امریکہ ءَ وت ھیلکاری داتگ۔
