چہ پنجگور ءِ ھند پروم ءِ جتائیں جاھاں دِز ءُ لگورک ءَ پاکستانی پوج ءَ پنچ مردم آوار جتگ ءُ بیگواہ کرتگ۔
زرمبش جھگیر ءِ رد ءَ چہ بیگواھیں مردماں سے مردمانی نام ابدلگپار ء ملنگ، ھامد ء داد مھمد ء مجید ء رشید اِنت، دو مردم انگت پجارگ نہ بیتگ۔ اے پنچیں مردم زی پاکستانی پوج ءَ چہ ڈگارانی سر ءَ آوار جتگ ءُ بیگواہ کرتگ اَنت۔
زور بیگواھیں مجید ءِ بابت ءَ گوشگ بیت کہ پاکستانی پوج ءَ یکبرے 17 مارچ 2017 آوار جتگ ءُ بیگواہ کرتگ ءُ پد ءَ 23جنوری 2020 ءَ آجو بیتگ۔
